 2026 оны 3-р сар2026 оны 3-р сар |
|
Сайн байцгаана уу! Энэ сард манайхаар сонин сайхан ийм байна. |
Гэр бүлЭнэ сарын хамгийн гоё үйл явдал нь Амараа, Дээгий хоёртойгоо нийлж Сувдаагийн төрсөн өдрөөр сайхан гэнэтийн бэлэг барьсан явдал байлаа. Тэр хоёр Сан Францискогоос нисэж ирээд, бид гэнэтийн оройн хоол зохион байгуулж, амралтын өдрүүдийг хамтдаа өнгөрөөсөн.
Хүслэн сургуульд явж эхэлсэн. Эхний өдөр нь их сэтгэл хөдөлсөн шүү. Явсан гурван цаг орчимд нь гэр нэг л эзгүй санагдсан.
Эхнэр бид хоёрын хааяа учраа олдоггүй нэг зүйл нь хүүхдүүдийн сэтгэл хөдлөл. Өчүүхэн жижигхэн юмнаас болоод л бөөн уур, бөөн сэтгэл хөдлөл болно. Заримдаа бид ч уурлана, заримдаа бүр өхөөрдмөөр. Ямар ч байсан тэвчээртэй байхыг хичээдэг, хааяа тэвчээр алдах үе ч бий — амьдрал л юм даа.
Зун, дулаахан сарууд ойртож байна. Бид хөршүүдтэйгээ мухар гудамжиндаа цуглаад, хүүхдүүдээ тоглохыг харж, хааяа нэг шар айраг уугаад суух дуртай.
|
Ажил, төслүүдЭнэ жил гэр бүлдээ илүү их цаг гаргая гэж зорьсон чинь орчлон ертөнц AI гээчийг замд гаргаад ирлээ. Ойрд намайг нэлээн завгүй байлгаж байна. Юм бүтээх үнэхээр зугаатай, боломж нь ч бараг хязгааргүй юм шиг.
Доорх хэд л олны хүртээл болсон нь — замдаа больсон нь ч бий, хажуугаар нь оролдсон өөр зүйлс ч бий:
 fotopass.app ↗Зурагчин, зургаа авахуулсан хүнийг холбох гүүр. QR кодтой зургийн карт үүсгээд, зургаа шууд авах боломж олгоно. fotopass.app |
 heyanda.mn ↗Чухал зүйлсийг тань санаж, хэрэгтэй асуултыг асуудаг, ярилцаж өдрийн тэмдэглэл хөтлөх апп. heyanda.mn |
 mytendies.app ↗Арилжааны ашиг, алдагдал үргэлж нүдэнд ил. Өдрийн арилжаачдад зориулсан CLI болон macOS-ийн цэсний мөрөнд ажиллах апп. mytendies.app |
|
|
АрилжааЗах зээлийн нөхцөл байдлаас болоод арилжаа хүндхэн байна. Арваннэгдүгээр сараас хойш ханш нэг хүрээнд хэлбэлзэж байснаа доошоо сэтэлчихлээ. Урт хугацаанд барьж байгаа хувьцаануудынхаа улайхыг харах хэцүү юм. Маш их тэвчээр шаардаж байна даа.
|
Үзсэн кино, сонссон хөгжим | Project Hail Mary (2026) ★ 8.2 Ryan Gosling үнэхээр сайн юм аа. Stone-той ч, чулуутай ч сайхан зохицож тоглодог гэсэн мийм харсан. Үүнийг кино театрт үзсэн, үнэхээр гоё мэдрэмж авлаа. |
 | Peaky Blinders: The Immortal Man (2026) ★ 6.5 Нэг их таалагдсангүй... Яагаад ч юм, их хямдхан хийсэн харагдсан. Үйл явдал нь ч нэг их татаагүй, хуучнаа санагалзаад л үзсэн байх. Cillian Murphy бол ер нь үнэхээр сайн шүү. |
|
Электрон хөгжимд эргээд их орж байна — vibe coding-ийн уур амьсгал нь нөлөөлж байгаа ч юм уу. Ажиллаж байхдаа илүү төвлөрөөд, хөгжим анхаарал сарниулахын оронд орчин бүрдүүлдэг юм. Тийм болохоор энэ сарын жагсаалтад электрон хөгжим нэлээн давамгайлсан. Бас надад л тэгж санагдаад байна уу, эсвэл Spotify-ийн Discover Weekly сүүлийн үед жаахан муудаад байна уу? Төрөл бүрээс гоё дуу түүж өгөхийн оронд нэг л төрөл рүүгээ улайраад байх юм. Өөр хүнд бас тэгж санагдаж байна уу? |
Эрүүл мэнд, дасгал хөдөлгөөнБүсэлхий нуруу маань зовоогоод байна — булчин татаж, сунаад. Хөдөлгөөн засалчид үзүүлж байгаа, ихэнх нь удаан сууснаас болж байна гэнэ. Тэрийг нь хүлээн зөвшөөрөхөд хэцүү л байна, гэхдээ ийм л байдалтай байна даа. Дасгал хийхээр бас нуруу сэдэрчих юм, бухимдмаар.
Одоогоор бариа засалч, хөдөлгөөн засалч хоёрт зэрэг үзүүлж байна. Хэзээ нэгэн цагт эрүүл, хүчтэй нуруутай болоод, дасгалаа олигтой хийдэг болох байх гэж найдаж байна. Зөвлөх юм байвал хэлээрэй — дуртайяа сонсоно шүү.
|
Элдэв бодолДахиад жаахан Dota тоглож эхэлсэн. Хөгжилтэй л юм — багаасаа сурсан жаахан муу зуршил минь юм даа.
Ёстой гоё кофе уулаа. Бас аймаар үнэтэй — 100 грамм үр нь 20 орчим доллар. Үнэхээр амттай, бүр бидний мэддэг бараан шарсан хар кофеноос илүү цайтай ойрхон ч юм шиг байсан. Кофе, цай хоёрын зааг ер нь хаана бүдгэрдэг юм бол гэж өөрөөсөө асуулаа. Нэг нь «үр», нөгөө нь голдуу навчаар хийдгийг ойлгож байна л даа, гэхдээ ургамлын жимсээр хийдэг цай ч бас байдаг байлгүй дээ.
|
Уншсанд баярлалаа! Мэнд мэдэхийг хүсвэл энэ имэйлд хариулаарай — би хариу бүрийг уншдаг шүү. - Батжаа |
|
|
